Zgjedhjet në kohë pandemie: Çka mund të mësojë SHBA për zgjedhjet në kohë pandemie nga vendet tjera të botës?

Meqë shumë gjera kanë ndryshuar këtë vit, a munden zgjedhjet në kohë pandemie të jenë të suksesshme?

Epo, presidenti amerikan Donald Trump nuk mendon kështu, ai deshi t’i shtynte zgjedhjet duke pretenduar se rritja e votimeve përmes postës shkaku i pandemisë do të sillte një mashtrim në rezultate.

Por, a kanë mundur shtetet e tjera të menaxhojnë organizimin e zgjedhjeve dhe a ishin ato të suksesshme?

Fillojmë me Korenë Jugore. Autoritetet atje vendosën të shkojnë në zgjedhje paralamentare në Prill të këtij viti.Votimi ishte një eksperiencë krejt ndryshe, me distancim social, maska dhe matje të temperaturës në hyrje të qendrave të votimit.Secili njeri me temperaturë të lartë dërgohej të votonte në një zonë të veçantë votimi.Personat e vetë izoluar duhej të hidhnin fletëvotimet e tyre në kohë speciifke brenda ditës në lokacionet e dizajnuara enkas për ta, si dhe duhej qe të thërrisnin zyrtarët mjekësorë që t’i dërgonin në shtëpi.

Shumë njerëz votonin paraprakisht përmes postës ose sondazheve të ndryshme të cilat hapeshin disa ditë përpara votimeve.Por, a ishte kjo e suksesshme?

Rezultoi që 66% te elektoratit të mirrnin pjesë në votime, diçka që nuk kishte ndodhur në 18 vitet e fundit.

Përderisa në Europë, Franca vendosi të shkojë në zgjedhje lokale në Mars të këtij viti, por, ndryshe nga Koreja Jugore, pati shumë më pak votues se që pritej, kjo nga frika e infektimit me Covid-19.Prapë, dezinfektuesit, maskat mbrojtëse dhe distancimi social ishin marrë si masa mbrojtëse tek qendrat e sondazhimit. Njëri ministër bile kërkoi nga votuesit të mirrnin nga një laps secili me vete në mënyrë që të ulej gjasa e infektimit me Covid-19.Izolimi nacional bëri që rundi i dytë i votimit të shtyhej disa muaj.Pjesëmarrja e pakët e votuesve vërehej prapë, vetëm 40% e elektoratit votuan.

Singapori, përderisa në fillim ishte lavdëruar për menaxhim të mirë të pandemisë, shumë shpejtë u shndërrua në një vatër të pandmisë në Azi, por, kjo nuk e ndaloi këtë shtet që të organizojë zgjedhje të nivelit qendrorë në Korrik të këtij viti. Meqë, grumbullimet e njerëzve ishin të ndaluara, kampanjat elektorale u mbajtën online. Shumë politikanë u ankuan se kjo mënyrë kampanje do të ndikonte negativisht në shansat që t’i fitojnë zgjedhjet, bazuar në argumentin që votuesit e moshës më të vjetër kanë më pak qasje në rrjetet sociale.

Pra, disa shtete kanë menaxhuar relativisht mirë zgjedhjet në kohë pandemie, mirëpo, vendimet rreth asaj se kur dhe si do të organizoheshin zgjedhjet kanë shkaktuar kaos të vërtetë.

Në Afrikë shembull, zgjedhjet presidenciale të Burundit u mbajtën në Maj, pavarësisht paralajmrimeve nga OBSH, e cila sugjeroi që grumbullimet e njerëzve do të shkaktonin shpërthime të reja të virusit.

Përderisa në Hong Kong u protestua për shtyrje të zgjedhjeve nga ana e qeverisë nën argumentin se pandemia po përdorej që ta ‘cënojë’ demokracinë, në gjithë botën rreth 111 zgjedhje ishin shtyrë për një afat të pacaktuar.

Por, çka do të thotë e gjithë kjo për zgjedhjet presidenciale të SHBA-së, duke ditur se ky vend ka raste te konfirmuara me koronavirus më shumë se çdo vend tjetër në botë?

Si do të mbahen mend zgjedhjet presidenciale amerikane të vitit 2020?

Mbetet të shohim./BBC/