Tre persona theren për vdekje gjatë një sulmi në Francë

Tre persona janë vrarë gjatë një sulmi me thikë në qytetin francez të Nicëe, tha policia.

Kryebashkiaku i këtij qyteti, Christian Estrosi tha se gjithçka tregonte për një “sulm terrorist në zemër të bazilikës Notre-Dame”.

Policia tha se një gruaje i ishte prerë koka në sulm dhe Estrosi foli për “Islamofashizëm”.

I dyshuari u ndalua menjëherë pas sulmit, raporton BBC, transmeton Klan Kosova.

Prokurorët kombëtar të Francës antiterror hapën një hetim vrasjeje.

Kryetari i bashkisë u tha gazetarëve se i dyshuari kishte “përsëritur pafundësisht ‘Allahu Akbar’ (Zoti është më i madhi) kur ai po trajtohej në vendin e ngjarjes”.

Estrosi tha se një nga të vrarët ishte kujdestari në bazilikë.

Ministri i brendshëm u bëri thirrje njerëzve të shmangin zonën në qendër të qytetit. Gérald Darmanin tha se po mblidhte një takim krize në ministrinë në Paris, transmeton Klan Kosova.