Tentojnë të kalojnë kufirin, gjenden 2 emigrantë poshtë sendiljes së makinës (Foto)

Dy emigrantë janë kapur nga policia të fshehur poshtë sendiljes së pasme të një makine në përpjekje për të kaluar kufirin.

Policia spanjolle ndaloi një trafikant njerëzish që po përpiqej të kontrabandonte dy burrat afrikanë. Makina u ndalua nga policia kufitare spanjolle në pikën e kalimit kufitar Beni-Enzar midis qytetit autonom spanjoll Melilla dhe Marokut.

Dy emigrantët ishin fshehur nën një panel metalik që ishte ngjitur në dyshemenë e makinës.

Zyrtarët e Gardës Civile Spanjolle thanë se kishin pasur dyshime për Mercedes-Benz A-Class me targa marokene gjatë një kontrolli kufitar.

Policia përdori një detektor të rrahjeve të zemrës dhe zbuloi afrikanët të fshehur nën sendiljen e pasme poshtë një fletë metalike të ngjitur në tapiceri.

Emigrantët ishin lehtësisht të dukshëm nëpërmjet vrimave ajrore dhe policia duhej të përdorte një çikrik për të hequr fletën metalike e për të nxjerrë burrat.

Emigrantët, emrat e të cilëve nuk bëhen të ditur, ishin në gjendje të rëndë dehidrimi.