Gara për të fituar Shtëpinë e Bardhë mbetet e ngushtë

Shtetet më të mëdha në SHBA janë ende duke numëruar votat përderisa Trump akuzon pabazë qendrat e votimit, kurse Biden bën thirrje për durim.

Trump dhe Biden dytë parashikojnë fitore përderisa numërimi i votave ende vazhdon.

Ende nuk ka përgjigje se kush do të jetë presidenti i ardhshëm i SHBA-së.Disa mundësi janë:

• Mund të mos ta dijmë fituesin për disa ditë.Ky duket të jetë skenari më i mundshëm, përderisa rezultati mund të mos përmbyset nga numërimi i votave me postë në shtetet si Michigan, Wisconsin dhe Pennsylvania
• Mund të përfshihen avokatët. Donald Trump ka kërcënuar se do t’i paraqesë ankesat e tij në Gjykatën Supreme, kjo do ta zgjaste procesin e shpalljes së fituesit për javë të tëra.
• Pasiguria mund të sjellë mungesë pushimi.

– “I rrezikshëm dhe autoritar”- Demokratët cilësojnë Trump-in

Deklarata e pabazë e Donald Trump-it se “kemi fituar zgjedhjet”, ka nxitur reagim të ashpër nga politikanët demokratë.Trump është quajtur nga disa deputetë Kongresi si “i rrezikshëm, autoritar”.”Numëroni votat.Respektoni rezultatet”, shtojnë ata.

– Në natën e tensionuar të votimeve, protestuesit vërshojnë rrugët

Natën e përfundimit të votimeve në shumicën e shteteve, në Washington DC u mbajtën protesta kundër Trump-it, duke e tensionuar kështu situatën edhe më shumë.Qindra njerëz marshuan në rrugët e kryeqytetit duke shkaktuar bllokim trafiku dhe gjuajtje me fishekzjarre.Protestuesit brohrisnin: “Nëse nuk na jepni drejtësi, ju nuk do të keni paqe”.

– Trump deklaron rezultate ‘ fenomenale’

Donald Trump dha një konferencë në dhomën lindore të Shtëpisë së Bardhë.Ai filloi me falenderimin e familjes së tij dhe miliona votuesve mbështetës të tij:”Po bëhemi gati për festën e madhe”, u shpreh ai.”Ne po i fitojmë të gjitha.Ne nuk kemi fituar, ne kemi fituar bindshëm”, shton ai.

-E tërë nata në një fjali

Rezultatet ende nuk janë përfundimtare dhe dy kandidatët, Biden dhe Trump, parashikojnë fitore për veten e tyre.Donald Trump po votohet më shumë se që pritej, dhe Biden ka dështuar në shtetet ku numërimi u kry në fillim, që do të thotë se në çdo rast mund të ketë përmbysje rezultati përderisa nuk kanë përfunduar ende votimet në shumë shtete të rëndësishme, transmeton BBC.