Arrestohet pasi vuri në qarkullim 500 euro false në Gjilan

 Një shqiptar shtetas i Serbisë është arrestuar dje në rrugën “Mulla Idrizi” në Gjilan për falsifikim të parasë.  Ai dyshohet se ka lëshuar në qarkullim një kartëmonedhë të falsifikuar prej 500 euro, transmeton Plus Tv.

“Pas një pune hetimore me 16.10.2018 është identifikuar dhe arrestuar i dyshuari mashkull shqiptar shtetas i Serbisë.  Gjate intervistimit i dyshuari ka pranuar se në bashkëpunim me të dyshuarit tjerë kanë lëshuar në qarkullim një kartëmonedhë të falsifikuar prej 500 euro”, thotë Policia.

Me vendim të prokurorit i dyshuari dërgohet në mbajtje./PlusTv/