200 kubikë dru të konfiskuara u jepen familjeve nevojtare

Drutë e konfiskuara gjatë këtij vit në Deçan nga punëtorët e drejtorisë së PK “Bjeshkët e Nemuna” dhe policia i janë dhënë muajin e kaluar Komunës së Deçanit për t’ua shpërndarë familjeve nevojtare.

Që ato të mos kalbeshin, sit tregon Rifat Stojku, kryetar i komisionit të formuar nga Zyra e kryetarit për shpërndarjen e druve, Komuna e Deçanit e ka bërë një kërkesë në Ministrinë e Mjedisit që drutë e konfiskuara t’u shpërndahen familjeve në nevojë.

“Janë rreth 200 kubikë dru, kryesisht industrialë që u janë shpërndarë 25 familjeve të varfra e nevojtare që kanë pasur nevojë për çati etj. Kurse dru për djegie ka pasur pak dhe ato u janë shpërndarë disa familjeve nevojtare për ngrohje, pasi shumica kanë qenë dru industrialë”, thotë Stojku.