‘Qeveria Haradinaj i ka ditët e numëruara’

Deputetja e Lëvizjes Vetëvendosje, Albulena Haxhiu ka thënë se Qeveria e drejtuar nga kryeministri, Ramush Haradinaj, i ka ditët e numëruara.

Përmes një postimi në llogarinë e tij, Haxhiu ka shkruar se “Qeveria Haradinaj po i ik ballafaqimit me Kuvendin dhe po tenton të mbysë Republikën parlamentare! Një Qeveri e tillë, ditët i ka të numëruara”, shkruan Insajderi.

Ajo ka treguar se është informuar nga Kuvendi se as nesër nuk do të mbahet seancë plenare ku në rend dite ka qenë Interpelanca për rritjen e pagave të Qeverisë dhe vendimi për pagën minimale dhe ai për skemën sociale.

“Dje është dashur të mbahet seanca por në mungesë të kryeministrit, u caktua që vazhdimi i seancës të jetë të enjten. Shtrohet pyetja kush e morri të drejtën e shtyerjes së seancës?”, ka shkruar deputetja Haxhiu.